Qazaqstan Respýblıkasy Aýyl sharýashylyǵy mınıstrliginiń buıryǵy  №4-5/612

  2015 jylǵy 7 shilde, Astana qalasy Maqta óńdeý uıymyn ýaqytsha basqarýdy júrgizý qaǵıdalaryn bekitý týraly «Maqta salasyn damytý týraly» 2007 jylǵy 21 shildedegi Qazaqstan Respýblıkasy Zańynyń 7-babynyń 18) tarmaqshasyna sáıkes buıyramyn: 1. Qosa berilip otyrǵan Maqta óńdeý uıymyn ýaqytsha basqarýdy júrgizý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń О́simdik sharýashylyǵy ónimderin óndirý men qaıta óńdeý jáne fıtosanıtarııalyq qaýipsizdik departamenti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrylýyn qamtamasyz etsin. 3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A. MAMYTBEKOV «KELISILGEN» Qazaqstan Respýblıkasynyń Ulttyq ekonomıka mınıstri ________________ E. Dosaev 2015 jylǵy 4 tamyz Qazaqstan Respýblıkasy Aýyl sharýashylyǵy mınıstriniń 2015 jylǵy 7 shildedegi № 4-5/612 buıryǵymen bekitilgen Maqta óńdeý uıymyn ýaqytsha basqarýdy júrgizý qaǵıdalary 1. Jalpy erejeler 1. Osy Maqta óńdeý uıymyn ýaqytsha basqarýdy júrgizý qaǵıdalary (budan ári – Qaǵıdalar) «Maqta salasyn damytý týraly» 2007 jylǵy 21 shildedegi Qazaqstan Respýblıkasy Zańyna sáıkes ázirlengen jáne maqta óńdeý uıymyn ýaqytsha basqarýdy júrgizý tártibin aıqyndaıdy. 2. Osy Qaǵıdalarda mynadaı negizgi uǵymdar qoldanylady: 1) maqta qolhattary boıynsha mindettemelerdiń oryndalýyna kepildik berý qory – maqta óńdeý uıymdarynyń ózderi bergen maqta qolhattary boıynsha mindettemelerin oryndamaýynan maqta qolhattaryn ustaýshylardyń quqyqtary men zańdy múddelerin qorǵaýdy qamtamasyz etý maqsatynda óz qyzmetin júzege asyratyn zańdy tulǵa; 2) maqta qolhatyn ustaýshy – maqta óńdeý uıymyna shıtti maqtany saqtaýǵa jáne (nemese) bastapqy óńdeýge; maqta talshyǵyn jáne maqta tuqymyn saqtaýǵa ótkizgen maqta ıesi; maqta qolhatynda ındossament jasalǵan jaǵdaıda – ındossat; 3) maqta óńdeý uıymy – menshik quqyǵynda maqta tazalaý zaýyty bar, maqta qolhattaryn bere otyryp qoıma qyzmeti boıynsha qyzmetter kórsetetin zańdy tulǵa; 4) maqta óńdeý uıymyn ýaqytsha basqarý (budan ári – ýaqytsha basqarý) – maqta óńdeý uıymynyń maqta qolhattary boıynsha óz mindettemelerin oryndaý qabiletin qalpyna keltirýge baǵyttalǵan ákimshilik, zańdylyq, qarjylyq, uıymdastyrý-tehnıkalyq jáne basqa is-sharalar men rásimder keshenin májbúrlep júrgizý; 5) maqta salasyn damytý júıesindegi ýákiletti organ (budan ári – ýákiletti organ) – Qazaqstan Respýblıkasynyń Úkimeti aıqyndaıtyn, maqta salasyndaǵy memlekettik retteýdi júzege asyratyn ortalyq atqarýshy organ; 6) ýaqytsha ákimshilik – osy maqta óńdeý uıymy bergen maqta qolhattaryn ustaýshylardyń, ýákiletti organnyń, maqta óńdeý uıymynyń, maqta óńdeý uıymy qatysýshy bolyp tabylatyn maqta qolhattary boıynsha mindettemelerdiń oryndalýyna kepildik berý qorynyń ókilderin qamtıtyn, ýaqytsha basqarýdyń qoldanylýy kezeńińde maqta óńdeý uıymyn basqarýdy júzege asyratyn alqaly organ; 7) ýaqytsha basqarý jónindegi komıssııa – ýákiletti organnyń, onyń aýmaqtyq bólimshesiniń jáne oblystyń jergilikti atqarýshy organynyń (budan ári – JAO) ókilderin qamtıtyn, ýaqytsha ákimshilik qyzmetine baqylaýdy júzege asyratyn alqaly organ. 3. Ýaqytsha basqarýdy ýaqytsha basqarý jónindegi komıssııa men ýaqytsha ákimshilik maqta óńdeý uıymynyń qarajaty esebinen júzege asyrady. 4. Maqta óńdeý uıymyn ýaqytsha basqarý merzimi alty aıdan aspaıdy. 2. Ýaqytsha basqarýdy júrgizý tártibi 1-paragraf. Ýaqytsha basqarýdy júrgizýdiń negizderi men sharttary 5. Ýaqytsha basqarýdy engizý týraly sheshim qabyldaý úshin myna negizderdiń kem degende bireýiniń bolýy jetkilikti: 1) maqta qolhatyn ustaýshynyń alǵashqy talaby boıynsha maqta berýden bas tartýdan kóringen shıtti maqtany maqta talshyǵy etip bastapqy óńdeý jónindegi sharttyq mindettemelerdiń júıeli túrde (qatarynan kúntizbelik alty aı ishinde eki jáne odan da kóp ret) tıisinshe oryndalmaýy; 2) maqta qolhattarymen qamtamasyz etilgen maqta mólsheriniń saqtaýdaǵy maqtanyń naqty mólsherinen artyq bolýy faktisiniń anyqtalýy. 6. Osy Qaǵıdalardyń 5-tarmaǵynda kózdelgen negizder boıynsha ýaqytsha basqarýdy engizýdiń sharty maqta óńdeý uıymynyń qyzmetin ınspeksııalaý (tekserý) nátıjesinde jasalatyn anyqtalǵan buzýshylyqtar týraly akti bolyp tabylady. JAO-nyń maqta óńdeý uıymynyń qyzmetin ınspeksııalaýdy (tekserýdi) júrgizýi úshin mynalar negiz bolyp tabylady: 1) tekserýler júrgizý kestesi; 2) maqta qolhattaryn ustaýshylardyń maqta berýden bas tartýdyń eki jáne odan da kóp faktileri boıynsha resmı ótinishteri (shaǵymdary). 2-paragraf. Ýaqytsha basqarýdy júrgizý 7. JAO ýaqytsha basqarýdy engizý úshin negiz bolatyn faktiler anyqtalǵan sátten bastap jeti jumys kúni ishinde: 1) maqta óńdeý uıymyn ýaqytsha basqarýdy engizý týraly sotqa ótinish beredi; 2) maqta óńdeý uıymyna, maqta óńdeý uıymy qatysý shartyn jasasqan maqta qolhattary boıynsha mindettemelerdi oryndaýǵa kepildik berý qoryna (qorlaryna) jáne atalǵan maqta óńdeý uıymy bergen maqta qolhattaryn ustaýshylardyń bárine úsh jumys kúni ishinde ýaqytsha basqarý jónindegi komıssııanyń quramyna kandıdatýralar berý týraly usynys jiberedi. 8. Ýaqytsha basqarý jónindegi komıssııa ýaqytsha basqarýdy engizý týraly sottyń sheshimi zańdy kúshine engen kúnnen bastap eki jumys kúninen keshiktirmeı: 1) ýaqytsha basqarý jónindegi komıssııa tóraǵasynyń kandıdatýrasyn anyqtaıdy jáne ony JAO-ǵa bekitýge joldaıdy; 2) maqta óńdeý uıymyna qyzmet kórsetetin banktiń atyna maqta óńdeý uıymynyń shoty boıynsha shyǵys operasııalaryn toqtata turý týraly jazbasha habarlama jiberedi. 9. JAO ýaqytsha basqarýdy engizý týraly sottyń sheshimi zańdy kúshine engen kúnnen bastap úsh jumys kúni ishinde respýblıkalyq merzimdi baspa basylymdarynda memlekettik jáne orys tilderinde: 1) ýaqytsha basqarýdy engizý týraly; 2) maqta qolhattaryn ustaýshylardyń maqta qolhattaryn ustaýshylardyń jınalysyna qatysý quqyǵy týraly jarııalaıdy. 10. Ýaqytsha basqarý jónindegi komıssııa ýaqytsha basqarýdy engizý týraly habarlama jarııalanǵan kúnnen bastap jeti jumys kúni ishinde ýaqytsha ákimshilik quramyna ókilder saılaý úshin maqta qolhattaryn ustaýshylardyń jınalysyn ótkizýdi uıymdastyrady jáne ýaqytsha ákimshiliktiń quramyn bekitedi. Bul rette ýaqytsha ákimshiliktiń quramyna saılanýǵa osy maqta óńdeý uıymynyń maqta tazalaý zaýytynda (maqta qabyldaý pýnktinde) saqtaýly maqtanyń eń kóp mólsheri bar maqta qolhattaryn ustaýshylardyń artyqshylyqty quqyǵy bolady. 11. Maqta óńdeý uıymynyń basshy qyzmetkerleri ýaqytsha ákimshilikke qabyldaý-berý aktisi boıynsha maqta óńdeý uıymynyń mórlerin, mórtabandaryn, blankilerin, qundylyqtaryn, úı-jaılarynyń, seıfteriniń kiltterin jáne barlyq qajetti qujattaryn tapsyrady. 12. Ýaqytsha ákimshilik birinshi kezektegi tártippen: 1) maqta óńdeý uıymynyń qarjylyq jaı-kúıine taldaý júrgizedi; 2) maqta óńdeý uıymynyń múlkin jáne onyń mindettemelerin túgendeýdi, sondaı-aq, osy maqta óńdeý uıymynyń maqta tazalaý zaýytynda (maqta qabyldaý pýnktinde) saqtalatyn maqtany túgendeýdi júrgizedi; 3) maqta qolhattaryn ustaýshylar aldyndaǵy bereshegin qosa alǵanda, maqta óńdeý uıymynyń kredıtorlyq bereshegin aıqyndaıdy; 4) sotqa talap-aryzdar daıyndaý men usynýdy qosa alǵanda, merzimi ótken debıtorlyq bereshekti óndirip alý jóninde sharalar qabyldaıdy; 5) maqta óńdeý uıymynyń basqarý qurylymyn jáne shtat sanyn aıqyndaıdy; 6) maqta qolhattaryna qol qoıýǵa ýákiletti adamdardyń tegi, aty jáne ákesiniń aty (olar bar bolsa) bar kartochkany, olardyń qoldarynyń úlgilerin JAO-ǵa usynady; 7) ýaqytsha basqarý jónindegi komıssııaǵa maqta óńdeý uıymynyń naqty jaı-kúıi týraly aqparat beredi jáne osy maqta óńdeý uıymynyń sharýashylyq qyzmetin jaqsartý jóninde usynystar engizedi. 13. Ýaqytsha ákimshiliktiń múlikti kepilge berýdi, múliktik jaldaýdy qosa alǵanda, maqta óńdeý uıymynyń múlkin ıelikten shyǵarý jóninde sheshimder qabyldaýǵa quqyǵy joq. 14. Ýaqytsha basqarý jónindegi komıssııa ýaqytsha ákimshiliktiń qyzmet nátıjeleri týraly esebin bekitedi jáne ýaqytsha ákimshiliktiń qyzmetin baqylaýdy júzege asyrady. 15. Ýaqytsha basqarý jónindegi komıssııa músheleriniń jalpy sany taq bolýy jáne jeti adamnan kem bolmaýy tıis. 16. Ýaqytsha basqarý jónindegi komıssııanyń otyrystary qajettiligine qaraı ótkiziledi. 17. Ýaqytsha basqarý jónindegi komıssııanyń sheshimderi kópshilik daýyspen qabyldanady, hattamamen resimdeledi, oǵan ýaqytsha basqarý jónindegi komıssııanyń tóraǵasy, músheleri, hatshysy qol qoıady jáne ýaqytsha ákimshiliktiń oryndaýy úshin mindetti bolyp tabylady. 3-paragraf. Ýaqytsha basqarýdyń toqtalýy 18. Maqta óńdeý uıymyn ýaqytsha basqarý mynadaı negizder boıynsha toqtatylady: 1) sottyń sheshimimen belgilengen ýaqytsha basqarý merziminiń aıaqtalýy; 2) sottyń ýaqytsha basqarýdy merziminen buryn aıaqtaý týraly sheshim qabyldaýy. 19. Ýaqytsha basqarý: 1) maqta óńdeý uıymynyń berilgen maqta qolhattary boıynsha óz mindettemelerin oryndaý qabilettiligin qalpyna keltirgen jaǵdaıda; 2) basqa da maqta qolhattaryn ustaýshylardyń talaptaryn tıisinshe oryndaýǵa yqpal etetin jaǵdaılardyń bolmaýy shartymen ýaqytsha basqarý kezeńinde maqta qolhattaryn ustaýshylardyń barlyq málim etilgen ta-laptaryn tolyq kólemde qanaǵattandyrǵan jaǵdaılarda merziminen buryn toqtatylady. 20. Ýaqytsha ákimshiliktiń ýaqytsha basqarýdy merziminen buryn aıaqtaý úshin negizderdiń bolýy týraly aktisiniń negizinde qabyldanatyn ýaqytsha basqarý jónindegi komıssııanyń usynysy sottyń ýaqytsha basqarýdy merziminen buryn aıaqtaý týraly sheshim qabyldaýy úshin negiz bolyp tabylady. 21. Ýaqytsha basqarýdy engizýge ákelgen sebepterdiń joıylýyna baılanysty ony toqtatý (onyń ishinde merzimnen buryn) osy maqta óńdeý uıymyna qatysty barlyq shekteýlerdi joıýǵa ákep soǵady. Buıryq Qazaqstan Respýblıkasynyń Ádilet mınıstrliginde 2015 jylǵy 9 qyrkúıekte Normatıvtik quqyqtyq kesimderdi memlekettik tirkeýdiń tizilimine №12039 bolyp engizildi.